Android phone ko root karne ke kuch best apps


Android mobile ko root kaise kare

Hello friends ham aapke liye lekar aaye hain ek aisi post jisko padkar aap jaan payenge ki aap apne anroid mobile ko asaani se kaise root kar sakte hain. Aaj ham aapko kuch aise apps ke baare mein batayenge jinka istemaal karne se aapka koi nuksaan nhi hoga aapka data shurakshit rahega or kisi bhi tarah ki hard bricking nhi hogi or aap apne android mobile ko safe rakh sakenge.

Ab main jo aapko methods batane jaa rha hun wo ek dam safe hai agar aap apne mobile ko rooted mobile banana chahte ho. Puri duniyan mein aise kai saare methods hain jisse hum apne mobile ko bina computer ke root kar sakte hain par aaj hum kuch new apps ke baare mein aapko is post ke Madhyam se kuch naya batana chahenge or asaani se mobile ko root karna sikhayenge.


Jaisa ki aap sabhi jaante honge ki tablets bhi ek dam bilkul android hi jaise hote hain to yeh methods aap apne tablets ko root karne ke liye bhi kar sakte hain.
Isse pehle ki main aapko un methods ke baare mein bataao humko iske kuch terms ya kuch baten pata honi chaiye to aayiye un baato ko jante hain.

Android Root kya hai?

Root hamare android mein ek SU binary hota hai jiski madad se ham apne adroid mobile ke andar store saare files ko access kar sakte hain. Jaisa ki aapne Iphone mein Jailbreak suna hoga to root karne ki prakriya bhi ek dum iphone ke jailbreak ki tarah hi hai
Ab main aapko rooting karne ke kuch fayde or nuksaan batata hun ki agar aap root karenge apne android mobile ko to aapke mobile se aap kya kar paaoge or kya nhi.

Fayde:

1. Aap apne android mobile ke saare files access kar sakte hai uske liye aapko root permission deni hogi jo ki SU(super user) deta hai. Example ke liye: Jaise aap agar mobile mein dekhte honge ki kai system file jo android mein pehle se hoti hain delete nhi hoti ab root karne ke baad aap unhe edit kar sakte hai ya delete bhi.

2. Yeh aapke mobile ki speed or performance ko bada sakta hai jisse aap apne mobile ki speed bina kisi dikkat ke bada sakte ho.

3. Aap rooting se apne mobile ki battery life ko bhi bada sakte hain taaki aapki battery lambe samay tak chale.

4. Aap koi bhi custom ROM ko install kar sakte hain jisse aapka android version badla hua lagega jaise aap Cyanogen Mod ke baare mein jaante honge isi tarah AOSP or Eye candy ROM MIUI.

5. Aap apne android version ko koi bhi custom ROM lagakar upgrade kar sakte ho jaise CM11 ya CM12 or bhi kai ROM hain jinka istemaal hota hai. Aaj kal to bahut si ROM available hai jaise MIUI, Carbon ROM etc.

6. Ab aap kayi best apps use kar sakte ho jisme root hone ki jaroorat padti hai agar aap playstore mein dekhenge to aapko 5000 se bhi jyada apps rooted mobile ke liye hote hain jo aap apne bina root wale mobile mein nhi chala sakte hain.

7. Aapki internal memory bhi bad sakti hai bina kisi dikkat ke. Aapne net par dekha hoga kayi saari post available hoti hain jinme mobile ki RAM,internal memory badane ke tricks bataye jaate hain weh saari tricks tabhi sambhav hain jab aapke mobile mein root hoga.

Ab fayde to bahut hain jinko main ek dum se nhi bata paunga par jaisa ki hum jaante hai ki jis cheej ka hame fayda hota hai uske kuch nuksaan bhi hote hain to hame wo cheej tabhi istemaal karni chahiye jab hame uske fayde or nuksaan dono hi pata ho. To agar aapne root karne ka mood bana liya hai to iske nuksaan bhi jaroor paden.

Nuksaan:

1.  Aapka mobile hard brick ho sakta hai: yeh ek bhayanak sach hai. Anroid mobile ko root karna bahut risky hai isko bahut dhyan se karna chahiye ek galat step aapke mobile ki hard disk ko tod sakta hai(hard brick). Is wajah se main un logon ko naa kehna chahunga jo abhi iske baare mein nhi jaante hain or nye hain(newbie)

2.  Aapka data loss ho sakta hai: haan doston agar aap root kar rhe hain to yeh jaan lijiye ki aapka data loss ho sakta hai main yeh nhi keh rha ki aapka data loss ho hi jayega par yeh keh rha hun ki ho sakta hai. To isliye main aapse yhi kahunga ki aap sabse pehle apne mobile ka backup bana le taaki agar kuch gadbadi ho bhi jaaye to aapke apps surakshit rhen. Jinhe aap baad mein wapas paa sakenge.

3.  Aapka mobile baar baar switch off ho sakta hai: Maine aise kai cases dekhe or sune hain jisme log baar baar kehte hain ki unka mobile baar baar switch off ho jaata hai to uska ek kaaran apne mobile ko root karna bhi ho sakta hai. Aisa jyadatar tab bhi ho sakta hai jab aap koi custom ROM install kar rhe hote hain jisse aapka phone baar baar boot(khulega) karega or aapke apps tak crash ho sakte hain.

4.  Yeh aapke mobile ki warranty ko khatam kar deta hai kyunki root karne se aapke mobile ke imei number mein change aa jata hai kai logon ke mein to jab wo *#06# dial karke imei number check karte hain to invalid imei likhkar aata hai. Aap bhi yeh number dial karke check kar sakte hain kya aapke saath bhi yeh dikkat to nhi agar hai to aap hame comment karke batayen ham uska bhi solution aapko denge.

To ab aate hain rooting ke kuch methods ke baare mein jaante hain.

1.  KingoRoot: yeh ek bahut famous app hai mobile ko root karne ka par agar apka mobile isse root na ho to ho sakta hai aapka mobile support na karta ho.


Kingo Root




Note: is app se root karte waqt aapke pass 3g connection,high speed connection,ya wifi ho. Usi se try kare warna fail hone ke chances ho sakte hain.

2.  FramaRoot: Yeh bhi ek bahut hi achaa app hai jo aapke non-rooted mobile ko root kar dega bina pc/laptop ke. Yeh app 1000 se bhi jyada mobile devices ko support karta hai. Is app ko jaroor try kare.



Frama Root



3.  Universal Android Root: yeh app bhi aap use kar sakte hai jab agar aapke mobile mein Framaroot work naa kare.





Universal Android Root


4.  Iroot: yeh bhi kaafi achaa app hai mere kai dost ne isko try kiya or wo apne mobile ko root karne mein success bhi hue. Yeh app china ka hai par yeh apko English version mein bhi mil jayega or Iroot ki ek khasiyat yeh bhi hai ki ab yeh kai new mobile device ko support karta hai to agar apka bhi mobile new ho or aap kisi tarah ka risk naa lena chahte hain to aap ise try kare.


IRoot



5.  Z4Root : yeh ek jaan mana app hai jisse log kai saalon se root karte aaye hain isme aap kai good qualities ke phone ko root kar sakte hain jaise HTC,Sony,Motorola or Samsung. Or yeh app 90% tak success hai Samsung galaxy ki S series ke liye.



To doston aapko yeh post kaisi lagi comment karke hame jaroor batayen par usse pehle aap in apps ko jaroor try kare or agar aapki koi bhi problem ho technology se related ya kisi other topics se to wo bhi aap hamse pooch sakte hain aap apna sawaal comment box mein pooche aapko with solution jawaab milega.

Agar aapki bhi koi post hai jo logon ke liye helpful saabit ho sake to hame jaroor bheje ham aapki post ko hamare is blog pe post karenge or usme aapka name,or photo denge or agar aapki website hai to uska bhi name denge or aap famous ho sakenge.

Apni post hame bhejne ke liye aap hamare email pe contact kar sakte hai: rs972005@gmail.com
Ya fir aap hamare whatsapp number per bhi apni post bhej sakte hain: 8808862880

kuch related post : 1. Istock se photo bech kar rupay kamane ki puri jankari 
2. India me earn talktime se jaldi rupay kamane ki puri jaankari with some special tips
3. HD movies kaise download karen??
4. Blogging me bright career kaise banaye with success tips






Previous
Next Post »

4 comments

Click here for comments
Manish lodhi
admin
July 13, 2016 at 1:59 PM ×

Nice post aapki post bhut acchi hai aapne bhut asan tarike se full detail me mobile ko root karne ki jankari di. or mobile root ke benefits or loss ke bare me bhi bataya. essi hi post karte rahe....
or friends agar aapko internet, money making, blogging se related koi help chaiye to aap mere mere blog www.pcormoney.blogspot.com par ja sakte hai....

Reply
avatar
Robin Singh
admin
July 13, 2016 at 6:49 PM ×

Manish jiApka bahut bahut dhanyawaad jo aapne hamare blog pe comment or visit kiya aap hamare blog ko saath aise hi jude rhe

Reply
avatar
April 19, 2017 at 10:46 AM ×

Samsung Star 2 Mobile Phone kaise root kro kiss app se kingoroot se mera mobile root nahi hota hai Sahi application btaye muze

Reply
avatar
robin singh
admin
April 28, 2017 at 9:14 PM ×

agar aapka mobile kingoroot app se root nhi ho rha hai to aap iska pc version se try kar sakte hai aap isko pc se try kro ho jayega and thanks for visiting .....

Reply
avatar

agar apka koi sawal hai to aap comment box me post kar pooch sakte hai main apke sawal ka jawaab jald se jald dene ki koshish karunga ConversionConversion EmoticonEmoticon