Android mobile mein JAVA apps kaise chalaye? Easy Method

android mobile mein java apps kaise run karaye

Hello doston aaj ham is post mein aapko batayenge ki aap apne android mobile phone mein java apps jo JAR files ke format mein hote hain unko kaise run kara skte hain....

Jaisa ki aap jante hain technically Java android mobile phone mein support nhi karta hai jiska matlb hai ki aap JAR(java format) files ko run nhi kara skte yaa kisi bhi website jisper JAVA content hai usko access nhi kar skte. Agar aap apne android phone per JAR files run karana chahte hain to aapke pass root access hona chahiye or aapke mobile mein ek emulator install hona chahiye.

Root kare apne phone ko: Is method mein file ko aapke mobile ki system directory mein karana hota hai jo ki bina root kiye mobile mein sambhav nhi hai isliye aapko aisa android phone ki jaroorat hogi jo root ho.

Note: Java emulator mein kewal aapki JAR(JAVA format) files run hogi aap iska upyog un websites per nhi kar skte jinper java content hai. Java emulator se usko access nhi kiya jaa skega.

Java emulator download or install kare: internet per kai saare java emulators uplabd hai sabhi mein koi naa koi strengths or weakness hai. Alag alag emulators alag-alag devices mein better work karte hain to ham aapko yhi recommend karege ki aap 2 ya 2 se jyada alag-alag emulators ka use kare. Agar aapko emulators google playstore mein naa mile yaa available hi naa ho to is condition mein aap online search karke APK files download kar skte hain.
Niche kuch aise hi java emulators diye gaye hain jinki madad se aap apne android mobile mein java apps run kar payenge:

1. phoneME
2.JBED
3.JBlend
4.Netmite

Ab main apko phoneme ko use karne ka tarika batata hun....

1. phoneME ko download kare:phoneME feature” search karke phoneME ke developer ki website se APK file download kare. Ab aapko ek or application ki bhi iske saath jaroorat padegi jisko aap OpenIntents File Manager name se search karke iski APK file download karenge. Or ab aap in dono APK files ko apne android device ki root directory mein copy karke paste kar den.
2. ab aap in APK files ko install kare apne mobile mein.
3. ab aap apne computer par JADGen download kare or uski madad se ek JAD file tyaar kare. JAD file us JAR file ki tyaar karni hai jisko aap run karana chahte hain.
4. ab aap un dono files yaani JAR or JAD files ko apne android device ke kisi ek hi folder mein daal den.

Note: is baat ka jaroor dhyan rkhe ki JAR(JAVA format) file ke name mein koi bhi space baa ho.

5. Ab aap phoneMe ko use karke apni file ko run karaye. File ko run karane ke liye phoneME mein us file ko select kare apne mobile mein.

Ab ham aapko JBED ko use karne ka tarika batayenge..

1.JBED ko download kare: aap JBED ke APK ko download kare or usko apne phone ki root directory mein copy-paste kare.

2. Ab aap ADB APK ki madad se libjbedvm.so ko /system/lib directory mein move karaye.uske baad APK file ko run karaye jisse wo install ho jayegi.
3. Aap libjbedvm.so file ko ADB ke dwara push(move) kar skte hain uske liye aapko enter karna hoga adb push/filelocation/libjbedvm.so/system/lib
4. Aap saari JAR files ko unki apni directory mein copy kar den jinko aap run karana chahte hai.
5. Ab aap JBED ko launch kar den or Menu button ko dabayen. Fir apni jar file ko dhoondhe or select kare jo aap run karana chahte hain.

Ab aap JBlend ka tarika bhi dekh lijiye isko kaise use karenge....

1.JBlend ko download kare: JBlend ki archive file ko download kare or uske saare content ko extract kare. Ab saari files ko apne phone storage mein copy kare.
2.Root explorer application install kare.
3.Root explorer application kholen or “r/w” button jo ki upper corner per milegi us per tap kare. Ab aap niche dee gyi files ko uni directory mein copy kare jaisa niche dikhaya gya hai:
ibDxDrmJava.so- /system/lib
libjbmidpdy.so- /system/lib
libjbmidp.so- /system/lib
javax.obex.jar- /system/framework
MetaMidpPlayer.apk- /system/app
MidpPlayer.apk- /system/app
Ab aap apni JAR files jo aap chalana(run) chahte hain usko apni phone ki storage mein copy kare or fir JBlend ko start kare or us JAR file ko select kare.

Ab aate hai ham Netmite ko use kaise kare iske baare mein jaante hain....

1.Aap Netmite ki website per jakar latest version jo jaldi mein release hua ho usko download kare. Ab us APK file ko apne phone mein copy kare or usko run karakar install kare.
2.Netmite ki website per uplabd converter ka use karke aap JAR/JAD files ko APK mein convert kare.
3.Ab us converted APK ko apne phone mein copy kare or run karaye jisse wo install ho jaaye. Isi tarah se baaki saari JAR files mein bhi kare jo aap run karana chahte hain.
4.Ab aap apne android phone mein Netmite ko open kare or koi bhi JAR files jo installed hai usko select kare.

To friends upar diye gaye tarikon ka istemaal karke aap apne android phones mein JAVA apps use kar skte hain. Or yeh post aapko kaisi lagi iske baare mein bhi jaroor apna response den.


Previous
Next Post »

4 comments

Click here for comments
all in one
admin
August 17, 2016 at 6:26 PM ×

bahot help full post hai Robin ji
omnihindi.blogspot.com

Reply
avatar
Robin Singh
admin
August 17, 2016 at 8:51 PM ×

Thanks bro @all in one

Reply
avatar
Mohd Sharik
admin
September 5, 2016 at 7:35 PM ×

bahut hi kaam ki post di robun bhai aapne. mene bhi is method ke bare me abhi haal hi me ek english blog par padha tha. lekin hindi blog par ye jankari available nahi thi. aapne usko bhi available kar diya. this is a new post for hindi people..
www.clickmehindi.com

Reply
avatar
Robin Singh
admin
September 6, 2016 at 9:14 AM ×

Dhanyawaad mohd sharik muje bahut khusi hui ki aap hamare blog per aaye or aapko hamari yeh new post pasand aayi!😊

Reply
avatar

agar apka koi sawal hai to aap comment box me post kar pooch sakte hai main apke sawal ka jawaab jald se jald dene ki koshish karunga ConversionConversion EmoticonEmoticon