Corrupted SD card ko kaise fix(thik) kare or SD card ka data recover kaise kare ?

SD card corrupt

Friends apka sd card corrupt ho gya hai? Kya aap usko thik karna chahte hain? To aap sahi jagah aaye hai aaj ki post mein ham corrupted SD card ko kaise thik kare or apne data ko kaise recover kare iske baare mein jaanenge. Waise to kai tarike hain par jyadatar aapne dekha hoga SD card ko thik karne ke liye log format kar dete hain SD card ko par ham aapko aisa tarika batayenge jisse apka SD card bina format kiye hi sahi ho skta hai.




To chaliye shuru karte hain aap niche diye gaye steps ko follow kare:

1.Apne Corrupted SD card ko computer mein dale(insert): sabse pehle aap apne corrupted SD card ko apne computer se kisi USB card reader yaa card reader ki help se connect kare. Agar aapke pass card reader nhi hai to kisi bhi device jisme SD card dala ho usko USB se computer se connect kare.

2.Computer mein jaayen: ab aap start menu ko khole fir Computer per click kare. Agar aapko nhi mile to search box mein Computer dalkar search kare.
Windows 8 mein Computer ko Pc kehte hain or Computer ko ham start screen per bhi search kar skte hain.

3.Apna Memory Card doondhe: ab aap apna corrupted memory card doondhe jo ki removable storage ke name se hoga. Jo ki is prakar se ho skta hai “Removable Disk(D:)”. Aap us drive letter ko jaroor yaad rakh len kyunki iski baad mein jaroorat padegi.
Agar by chance aapne dhyan nhi diya ho ki aapka memory card ka drive kon sa hai or kai saare drive dekh kar aap confuse ho rhe ho to aap ek kaam kar skte hain aap apne card ko remove kare fir note kare kon sa drive gayab hua wahi apke memory card ka drive hai uske baad aap usko dubara connect karke continue kar skte hain.

4.Command prompt(CMD) khole: ab aapko apne desktop per Windows button+R ek saath dabana hai jisse ek box khulega jo Run box hoga usme aap cmd likhkar enter daba dijiye. Ab jo window khulegi wo CMD ki hogi yaani command prompt.

5.Check disk fix ko run kare: Command prompt mein aap chkdsk D: /r type kare yaa fir chkdsk D: /f type kare, yahan par D: memory card ka drive hai yeh kuch device ka alag bhi ho skta hai to aap apne memory card ke drive letter ko hi type kare. Uske baad enter dabayen jisse yeh process shuru ho jayegi.

Aapke corrupted memory card mein errors ke adhaar per Check disk process ko dauraan apse apke input ke baare mein poochega ki aap kya action lena chahenge. Agar aisa ho to aap uska answer Yes mein den or enter dabakar continue kar den.

Ab aapka damaged(corrupted) SD card successfully fixed ho gya hai. Ab aap apna data access kar skte hain. Par agar kisi karan se aapka data recover naa ho paya ho to aap kisi data recovery software ka use kar skte hain.

Agar aap Data recovery software ki jankari pana chahte hain to ek bar google per search kare aapko kayi software mil jayege jisme kuch paid,full version yaa trial version mein mil sakte hain.

Niche kuch aise hi software ke name hain jinse aap SD card ke data ko recover kar skte hain:

1. EaseUS Data recovery wizard
2.Photorec



To doston agar aapka SD card corrupt ho gya hai to aap is tarike se usko thik kar skte hain or apne khoye hue data ko bhi recover kar skte ho agar ek baar aapka sd card thik ho gya to aap kisi bhi software ki madad se uska khoya hua data bhi recover kar skte hain to is tarike ko jaroor try kare or hame iska response jaroor den.
Previous
Next Post »

2 comments

Click here for comments
Robin Singh
admin
March 20, 2017 at 7:57 PM ×

Thanks Sumair keep visiting!!!

Reply
avatar

agar apka koi sawal hai to aap comment box me post kar pooch sakte hai main apke sawal ka jawaab jald se jald dene ki koshish karunga ConversionConversion EmoticonEmoticon