App Development - Future hai Bright

app development-future is bright
Hello doston jaisa ki aap jante hain aaj kal smartphone users apps bahut use karte hain. App ke mamle mein bharat aaj duniya ka teesra sabse teji se ubharta hua market ban chuka hai. Isme jyadatar sankhya smartphone users ki hai. Ek English newspaper ki report ke anusaar mana jaa rha hai ki, 2017 tak 268 arab se bhi jyada baar mobile apps download kiye jayenge, jisse 77 arab dollar se bhi adhik revenue generate hoga. Isi baat se yeh andaaja lagaya jaa sakta hai ki is sector mein kis adhaar per job opportunities create hongi. Aaj bhi jis tarah se mobile app : TV, car navigation,entertainment,shopping, commerce or banking se jud chuke hain,use dekhte hue talented app developers ki market mein demand or bhi teji se bad rhi hai.

Kya hai app development

Mobile phone,Tablets, Smart watches ya Digital Assisstants jaise devices ke liye software create karne ki prakriya ko mobile application yaa app development kehte hain. Yeh kisi bhi software development ki tarah hota hai. Halanki app aisa hona chahiye jo traditional desktop yaa web application ki tulna mein small screen, kam memory, kam processing power or jyada se jyada users dwara chalaya jaa sake. Ek aap dhaarna yeh hai ki kisi bhi mobile device ke liye simple ya flashy games yaa programs ki tarah kaam karte hain jabki hakikat yeh hai ki apps hamare jivan ke har pal ko prabhavit kar rhe hain, jaise- in dino facebook,twitter jaise social sites or games ke alawa shopping ya service mein bhi apps ka khoob istemaal ho rha hai. In apps ko manufacturing ke samay pre-install ya constumer dwara download kiya ja sakta hai.

Education qualification

App developer banne ke liye computer science ya software engineering  mein degree hona jaroori hai. App development mein Coursera, Udacity ya Udemy ke specialized online certificate course bhi kar skte hain. India mein kayi private institutes apps development mein short term ya diploma course sanchalit karte hain. C,C++ jaisi programming languages bhi sikh sakte hain.

Basic Skills

App developers ko sabse pehle apne product ki quality ka dhyan rakhna hota hai ki weh har prakar ke screen size, connection type, device ya OS(Operating System) per sanchalit(chalaya) jaa sake. Saath hi, samay-samay per app ko update or improve karna aana chahiye. Aapko clients ki jarooraton ki samaj honi chahiye. Security bug ki samasya bhi fix karni pad skti hai. Aakhri samay mein company management ke kehne per feature mein badlaav karne pad sakte hain. Aapke paas jitney resources honge,utna hi achaa rhega.

Growing Field

Mobile application market bahut hi teji se grow kar rha hai. Ek Anumaan ke mutabik, har bhartiya(Indian) pratidin average 52 min mobile app per gujaarta hai. Sirf aam users hi nhi, balki business or institutional users bhi strategy banana mein iska istemal karne lage hai. Iske alawa, jis tarah se aay din new apps launch ho rhe hain, use dekhte hue companiyan teji se skilled app developers ko hire kar rhi hain. Khaaskar, unhe hanthon-hath liya jaa rha hai jo khud se apps develop kar rhe hain. Ek app developer ko shuruwat mein 3 se 5 lakh rupay salaana mil jaate hai.

Market mein badti demand

India mein Iphone,Ipad ya kisi new android device ke app developers ki aaj bhi kami hai. Jabki ek anumaan ke anusaar 2016 tak consumer mobile apps se duniya bhar mein karib 50 arab dollar ka revenue generate honi ki sambhavna hai, yaani aane wale time mein app developers ke liye opportunities ki bharmaar hogi.


To agar aap bhi is career ko apne future ko bright banane mein apnana chahte hain to bilkul bhi deri naa karte hue kisi bhi app development institute se is course ko kare or apne future or life ko better banayen.
Previous
Next Post »

agar apka koi sawal hai to aap comment box me post kar pooch sakte hai main apke sawal ka jawaab jald se jald dene ki koshish karunga ConversionConversion EmoticonEmoticon