Motivational Story For people belonging to middle class family in Hindi


Hello doston aaj ham aapke saamne ek motivational story lekar aaye hain yeh story khaas taur se un logon ke liye hai jo middle class parivar se hai to chaliye story ko enjoy karte hain....

Ek baar ki baat hai ek Darshnik apne shisya ke saath kahin jaa rhe the. 
Chalte-Chalte dono log ek khet ke paas pahunche. Dono logon ko bahut jor ki pyaas lagi hui thi to dono log khet ke beechon-beech bane ek tute-foote ghar ke saamne pahunche or darwaje par dastak di. 
Khet kaafi achaa or upjaau(fertile) tha. Lekin uski halat bahut badtar thi uski halat dekhkar lagta tha ki uska maalik us per jara sa bhi dhyan nhi deta hoga.
Andar se ek aadmi nikla, uske saath uski patni or 3 bacche bhi the.
Sabhi Fate-Purane kapde pehne hue the.

Darshnik bola "Kya hame paani mil sakta hai? badi pyaas lagi hai!"
Admi ne paani diya fir darshnik bole "Main dekh rha hun ki aapka khet itna bada hai per isme koi fasal nhi boi gyi hai....
Aakhir aap logon ka gujara kaise chalta hai?"
Admi bola "Hamare paas ek bhains hai vo kaafi doodh deti hai,Doodh bechkar kuch paise mil jaate hai or bache hue doodh ka sevan karke hamara gujara ho jaata hai.

Shaam kaafi ho gyi thi to dono log wahi ruk gye. Aadhi raat ko darshnik ne shisya ko uthaya or kaha," Chalo hame abhi yahan se chalna hai, or chalne se pehle ham us aadmi ki bhains ko chattan se girakar maar daalenge."

Shisya ko apne guru ki baat per yakin nhi ho rha tha per vo unki baat bhi taal nhi sakta tha.
Isliye dono bhains ko marker raaton-raat gayab ho gye!

Yeh ghatna shisya ke man mein baith gyi or kareeb 10 saal baad jab wo ek safal aadmi ban gya to usne socha kyun naa apni galti sudharne ke liye us aadmi se mila jaaye or uski aarthik madad ki jaye.

Apni car se wo us khet ke saamne pahuncha. Shisya ne dekha ki wo ujda khet ab falon ke bagiche mein badal chuka tha....

Shisya ne socha ki sayad bhains ke marne ke baad vo pariwaar sab kuch bech kar chala gya hoga. Isliye vo wapas lotne laga tbhi usne us aadmi ko dekha.

Shisya bola "Sayad aap mujhe pehchan nhi paaye, Saalon pehle main aapse mila tha."
Aadmi bola " Han Han! kaise bhool sakta hun us din ko, aap log to bina bataye chale gye per usi din naa jaane kaise hamari bhains bhi chattan se girkar mar gyi. Kuch din to samaj hi nhi aaya ki kya kare, per jeene ke liye kuch to karna tha, To lakdiya kaat kar bechne lage, usse kuch paise hue to khet mein buwayi kar di...
Fasal acchi nikal gyi, bechne per jo paise mile usse falon ke bagiche lagwa diye.

Yeh kaam achaa chal pada or is samay main aas-paas ke 1000 gaaon mein sabse bada fal vyapari hun... sachmuch yeh sab kuch naa hota agar us bhains ki maut naa hui hoti...! " 

Shisya bola " Lekin yeh kaam to aap pehle bhi kar sakte the....."
fir Admi ne kaha "Kar to sakta tha! lekin tb jindagi bina utni mehnat se chal rhi thi, Kabhi laga hi nhi ki mere andar itna kuch karne ki chamta hai to koshish hi nhi ki lekin jab bhains mar gyi tab haanth-pair marne pade or is mukaam tak pahunch paya."

To doston sochiye, kahin aapki jindagi mein bhi to koi aisi bhains nhi jo aapko ek behtar jindagi jeene se rok rhi hai.... Kahin us bhains ne aapko bhandh kar to nhi rkha hai!
Agar aapko lage ki aisa hai, to aage badiye.... himmat kariye, apni rassi katiye or ajaad ho jayiye... aapke paas khone ke liye bahut thoda hai per paane ke liye poora jahan hai! jaayiye use pakar dikhayiye!!

Yeh bhi jaroor pade: 1. How to make cashless transactions in hindi (USSD method)
2. How to remove cse.google.com (google custom search) virus permanently in hindi
3. Best video editing softwares for windows pc in hindi
4. Android mobile ke liye best screen recording apps (No Root)
5. How to download videos from Youtube ? Fast and Simple methods

Newest
Previous
Next Post »

1 comments:

Click here for comments
Ajay Gupta
admin
January 24, 2017 at 7:17 AM ×

Bahut achha story aapne post ki hai very nice article

Congrats bro Ajay Gupta you got PERTAMAX...! hehehehe...
Reply
avatar

agar apka koi sawal hai to aap comment box me post kar pooch sakte hai main apke sawal ka jawaab jald se jald dene ki koshish karunga ConversionConversion EmoticonEmoticon